وجه رضا عبدالعال نجم الكرة المصرية السابق، رسالة خاصة لـ مجلس إدراة نادي الزمالك برئاسة حسين لبيب، بشأن الأزمات المالية التي تضرب الفريق بالآونة الأخيرة.

وحقق فريق كرة القدم الأول بنادي الزمالك، فوزا مهما، على حساب الإسماعيلي، في قمة لقاءات الجولة السابعة من عمر بطولة الدوري المصري الممتاز، بهدفين دون رد.

وقال رضا عبدالعال في فيديو بثه عبر قناته الرسمية على موقع الفيديوهات الشهير «يوتيوب»: «رسالة لمجلس إدارة الزمالك، إنتو عايزين إية تاني؟ من مشاكل الأرض لمشاكل مستحقات اللاعبين، أومال كنتوا هتسسدوا الـ80 مليون جنيه والـ50 مليون مقدم للاعب اللي مشي إزاي؟».

وأضاف: «سامعين إنه مفيش فلوس، بيزيرا وشيكو بانزا والمدير الفني ليهم فلوس، بجانب لاعبي الفريق الأبيض ليهم مستحقات، طالما مش عارفين تحلوا الكلام ده أومال كنتوا هتدفعوا لـ (زيزو) إزاي».

وتابع: «الفلوس دي لازم تبقى متواجدة عشان تديوها لـ جون إدوارد يفك الأزمات، عايزين إية من اللعيبة تاني، مخلينك أول الدوري».

وأكمل: «أقسم بالله أندية مصر كلها بتكلم بيزيرا ده غير أندية الخليج وأوروبا، الولد ده جالكو غلطة ف حافظوا عليه واللعيبة اللي موجودة حاليًا».

وواصل: «مجلس إدارة الزمالك يا تمشوا يا توفروا فلوس للعيبة، كلام مفهوش فصال، خلال الأسبوع ده قبل ماتش الأهلي لازم اللعيبة تاخد فلوسها وكل مستحقتها».

إقرأ المزيد